Hëllefsactioun 2003/2004
Lëtzebuerger Rout Kräiz: Häerzkrank Kanner aus der Ukraine
De Projet
D'Hëllefsactioun vun Advent 2003 bis d'Kommioun 2004, an Zesummenaarbecht mat der Lokalsektioun vum Roude Kräiz aus der Gemeng Betzder, huet e Projet fir häerzkrank Kanner an der Ukraine ënnerstëtzt.
Zënter 1992 betreit d’Lëtzebuerger Rout Kräiz Kanner mat engem schwéieren Häerzfeeler. No enger Operatioun si si geheelt a kënnen en normalt Liewe féieren.
Bis Oktober 2004 sinn 218 Kanner operéiert ginn. Déi méi einfach Operatioune ginn zu Lviv (Ukraine) gemaach an déi méi schwéier Fäll am Centre Hospitalier Universitaire zu Stroossbuerg.
D’Virbehandlung an d’Nobehandlung vun dëse Kanner gëtt hei zu Lëtzebuerg gemaach. D’Onkäschte fir ee Kand zu Stroossbuerg operéieren ze loossen leien tëschent 7.000 an 8.000 € . Pro Joer ginn eng 10 Kanner zu Stroossbuerg operéiert an eng 25 zu Lviv.
Vum 3. bis den 19. Dezember 2003 ware 4 Kanner mat hire Mammen op Lëtzebuerg komm an am Mee 2004 waren et 3 aner Kanner, deenen hir Operatioun d'Actioun am Parverband matfinanzéiere konnt.
D'Actioun am Parverband
An der Mass vum Samschdeg, 16. Oktober 2004 ass e Scheck iwwer 55.158,90 € un den Här Bley vum Lëtzebuerger Roude Kräiz iwwerreecht ginn.
Wéi schonn di Jore virdrunn hunn d'Kommiounskanner zu deem formidable Resultat bäigedroen andeems si en Deel vun hire Kadoen duerch en Don ersat hunn.
Am Numm vun de Kanner aus der Ukraine seet de groupe humanitaire vum Parverband Widdebierg allen Donateuren e ganz décke Merci.
D'Donen setzen sech esou zesummen:
| Collectes Rued-Syr | 5.872,55 € |
| Collectes Menster | 3.670,08 € |
| Collectes Olingen | 2.391,00 € |
| Collectes Fluessweiler | 3.254,81 € |
| Collectes Institut St. Joseph | 1.020,00 € |
| Collectes Betzder | 1.428,00 € |
| Collecte Mémoire Mme. Fohl-Magonette Olingen | 291,50 € |
| Don Mémoire Mr. Albert Demoulling | 3.854,00 € |
| Chorale Ste. Cécile Rued-Syr | 250,00 € |
| Don Baptême Philippe Baulesch | 100,00 € |
| Don Fanfare d’Olingen, collecte inauguration drapeau | 500,00 € |
| Chorale Ste Cécile Betzder | 900,00 € |
| Don Baptême | 380,00 € |
| Faaschteniessen 2004 | 371,00 € |
| Don Croix Rouge Section de Betzdorf | 2.500,00 € |
| Don Action Catholique Féminine de Flaxweiler | 2.000,00 € |
| Don Fraen a Mammen Betzder | 600,00 € |
| Don Fraen a Mammen Rued-Syr | 750,00 € |
| Don Garage Rudy Reuter Luxembourg | 1.500,00 € |
| Dons directs Croix Rouge | 3.790,00 € |
| Don Administration Communale de Flaxweiler | 125,00 € |
| Don Communion 2004 | 8.634,00 € |
| Dons divers individuels | 3.883,96 € |
| Don Quête du Concert par la Commission Culturelle | 470,00 € |
| Don Quête du Concert de Noël, Fanfare de Mensdorf | 860,00 € |
| Don Administration Communale de Betzdorf | 2.500,00 € |
| Don Anniversaire Mme Neumann | 2.225,00 € |
| Don Sapeurs Pompiers de Mensdorf | 50,00 € |
| Don Mariage Boulanger-Muller Menster | 258,50 € |
| Collecte Mémoire Mme Kimmel-Kuhn | 729,50 € |
| Total | 55.158,90 € |